See other templatesSee other templates

Welcome

Official websiite of All Ceylon Trade Union Federation, Inter Company Employees' Union and All Ceylon Estate Workers' Union 

Read more

 

   

 

Homeපැරණි පුවත්"මැයි දිනයේ අර්ථය හා උරුමය කෙලෙසීමට ඉඩ නොදෙමු" - ජාතික වෘත්තීය සමිති මධ්‍යස්ථානය

පැරණි පුවත්

"මැයි දිනයේ අර්ථය හා උරුමය කෙලෙසීමට ඉඩ නොදෙමු" - ජාතික වෘත්තීය සමිති මධ්‍යස්ථානය

මැයි දිනය හෙවත් ජාත්‍යන්තර කම්කරු දිනය එහි සැබෑ උරුමකරුවන්ගෙන් බලහත්කාරී ලෙස උදුරාගෙන, තමන්ට අභිමත ආකාරයට එය යොදා ගනිමින්, එහි අර්ථයත් උරුමයත් කෙලෙසා දැමීමට පාලක පැලැන්තිය සහ ඔවුන්ගේ තැරැව්කාර කණ්ඩායම් දරන නිර්ලජ්ජිත උත්සාහය, තරයේ දැඩි පිළිකුලෙන් යුතුව හෙලාදකින බවත් ඔවුන්ගේ එකී උත්සාහයන් පරාජයට පත්කර මැයි දිනයේ සැබෑ උරුමකරුවන් වෙත එය ලබාගැනීම සඳහා, වැඩකරන ජනතාව ප‍්‍රමුඛ පීඩිත ජනතාව පෙරමුණගත යුතු බවත් අවධාරණය කරමින් ජාතික වෘත්තීය සමිති මධ්‍යස්ථානය මාධ්‍ය නිවේදනයක් නිකුත්කර තිබේ.

ජාතික වෘත්තීය සමිති මධ්‍යස්ථානයේ සභාපති ලාල්කාන්ත සහෝදරයාගේ අත්සනින් යුතුව නිකුත්කර ඇති එම නිවේදනයේ වැඩිදුරටත් මෙසේද සඳහන් වේ.‍

"1886 චිකාගෝ නුවර හේමාර්කට් චතුරස‍්‍රයේ දී වැඩකරන ජනතාව තමන් මුහුණදුන් පාලක පැලැන්තියේ පීඩාව තවදුරටත් ඉවසනවා වෙනුවට එකී පීඩාවෙන් නිදහස්වීම සඳහා තබන ලද පලමු පියවර වූ පාලක පැලැන්තියට එරෙහි විරෝධතා දැක්වීම පාලක පැලැන්තිය විසින් මර්ධනය කොට නිරායුධ පීඩිත කම්කරුවන් මරා දැමීම දක්වා නින්දා සහගත ක‍්‍රියාකාරිත්වයකට යොමු විය. පාලකයින්ගේ ප‍්‍රහාර හමුවේ තම සිරුරෙන් ගලාගිය රුධිරය තම අත රැඳි සුදු කොඩි රක්ත වර්ණයෙන් වර්ණවත් වූ අතර 1890 එංගල්ස් ඇතුළු ලෝක කම්කරු නායකයන්ගේ මූලිකත්වයෙන් පැවැත්වූ ජාත්‍යන්තර සමුළුවකදී ජාත්‍යන්තර කම්කරු දිනයේ පැහැය රතු පැහැය ලෙසත් කොඩිය රතු කොඩිය ලෙසත් ඒකමතිකව සම්මත කරගන්නා ලදි. ඒ අනුව ජාත්‍යන්තර කම්කරු දිනය හෙවත් මැයි දිනයේ පැහැය රතු පැහැය විය යුතු අතර කොඩිය රතු කොඩිය විය යුතුය. කවරෙකු හෝ මැයි දිනය සමරන්නේ නම් ඒ සියළු දෙනාම මෙම සම්මතයට එකඟවිය යුතුව ඇත.

ජාත්‍යන්තර කම්කරු දිනය එක් එක් දේශපාලන පක්ෂවලට අයිති දිනයක් නොවේ. විශේෂයෙන් පීඩක පාලක කණ්ඩායම්වලට හෝ ඔවුන්ගේ තැරැව්කාර කල්ලිවලට එය කිසිසේත්ම අයිති නැතිවා මෙන්ම අයිතිය තහවුරු කරගැනීමට ඉඩදිය යුතුද නැත. නමුත් මේ වන විට මෙම පීඩක කණ්ඩායම් මැයි දිනයේ අර්ථය කෙලෙසමින් කටයුතු කරනු දක්නට ලැබේ. විශේෂයෙන් මෙවර මැයි දිනය සමරන බව පවසමින් එක්සත් ජාතික පක්ෂය සඳහන් කරන්නේ ඔවුන් රතු මැයි දිනය කොළ මැයි දිනයක් කරන බවයි. ඒ අනුව එක්සත් ජාතික පක්ෂයේ අරමුණ පැහැදිලිය. ඔවුන්ගේ වුවමනාව වන්නේ මැයි දිනයේ සැබෑ අර්ථය කෙලෙසා දැමීමටය. එය එජාපය වැනි පීඩක පාලක කණ්ඩායමකින් බලාපොරොත්තු වියහැකි දෙයකි. එසේම ඒකාබද්ධ විපක්ෂය යැයි පවසමින් ඩලස් අලහප්පෙරුම මන්ත‍්‍රීවරයා සඳහන් කරන්නේ  ඕනෑම පැහැයක කොඩියක් රැගෙන මැයි දිනය සැමරීමට තමන් හා එක්වන ලෙසයි. මෙම ප‍්‍රකාශයද සැබෑ ලෙසම මැයි දිනයේ අර්ථයට හා එහි උරුමකරුවන්ට එල්ලකරන ලද ප‍්‍රබල පා පහරකි. මක් නිසාද යත් ජාත්‍යන්තර කම්කරු දිනය හෙවත් මැයි දිනයේ සම්මත පැහැයක් සහ කොඩියක් පවතිද්දී එය නොසලකා තම තමන්ට අභිමත ආකාරයට කොඩි සහ වර්ණ යොදා ගනිමින් මැයි දිනය සැමරීමට යැයි පවසමින් කටයුතු කිරීම ලැජ්ජා සහගත ක‍්‍රියාවක් වුවද මොවුන්ට එවැනි ලැජ්ජාවක් නොමැති බවද අවධාරණය කිරීමට කැමැත්තෙමු. කිසිදු කණ්ඩායමක් හෝ පුද්ගලයෙක් යම් සැමරීමක් සඳහා නිශ්චිත වර්ණයක් හා කොඩියක් පවතිද්දී එය නොසලකා වෙනත් කොඩි සහ වර්ණ යොදාගැනීමට ක‍්‍රියා කිරීම අදාල සැමරීමට කරන නිගාවකි. ලොව පුරා බෞද්ධයෝ වෙසක් දිනය සමරන්නේ බෞද්ධ කොඩි සහ බෞද්ධ කොඩියේ පැහැය යොදාගෙන මිස වෙනත් පැහැයක් හෝ කොඩි යොදාගෙන නොවේ. කවුරුන් හෝ එසේ කරන්නේ නම් වෙසක් දින සැමරුමට කරන අවමානයකි. එසේම කතෝලික පල්ලිය පාස්කු උත්සවය සමරන්නේ කළු පැහැය සහ කළු පැහැ කොඩි යොදා ගනිමිනි. එයට වෙනත් වර්ණයක් හෝ කොඩියක් යොදා ගන්නේ නම් එය කතෝලික දහමට කරන අවමානයකි. ඒ අනුව පැහැදිලි වන්නේ මැයි දිනයේ පැහැය සහ කොඩිය වෙනත් වර්ණ යොදාගනිමින් සැමරීමට කටයුතු කරනවා යැයි පැවසීම පැහැදිලිවම වැඩකරන ජනතාව ප‍්‍රමුඛ පීඩිත ජනතාවට කරන නිගාවක් මෙන්ම අවමානයක්ද වේ. එබැවින් අපේ රටේ වැඩකරන ජනතාව ප‍්‍රමුඛ පීඩිත ජනතාව වටාහගත යුතුව ඇත්තේ පීඩාවෙන් නිදහස්වීම සඳහා පීඩකයන්ට එරෙහිව නැගීසිටීම ප‍්‍රමාද නොකළයුතු බවයි. මක් නිසාද යත් පීඩකයන් සෑම විටම තම වුවමනාව වෙනුවෙන් පීඩිත ජනතාව විවිධාකාරයෙන් රැවටීමට ලක්කොට ඔවුන්ගේ නිදහසේ උරුමය කොල්ලකාගන්නා බැවිනි. එම නිසා මෙවර ජාත්‍යන්තර කම්කරු දිනය හෙවත් මැයි දිනයේ දී වැඩකරන ජනතාව ප‍්‍රමුඛ පීඩිත ජනතාව තමන් පීඩාවට පත්කරන පාලක පැලැන්තියේ සහ ඔවුන්ගේ තැරැව්කාර කල්ලිවලට දායකත්වය ලබා නොදී තම පීඩාවන්ගෙන් නිදහස්වීම සඳහා සැබෑ ලෙසම පීඩිත ජනතාව නියෝජනය කරන මැයි දින සැමරුම් සමග එක්විය යුතුව ඇත. එසේම ඒ ආකාරයෙන් තබන පියවර මැයි දින සැමරුමට පමණක් සීමා නොකොට සැබෑ ලෙසම පීඩාවන්ගෙන් නිදහස ලබන වැඩකරන ජනතාව ප‍්‍රමුඛ පීඩිත ජනතාවට බලය ලැබෙන පාලනයක් ස්ථාපිත කරගැනීම සඳහා පෙරටම යායුතු බවද අවධාරණය කිරීමට කැමැත්තෙමු."

Add comment


Security code
Refresh

RED LANKA

  1. ETCA Protest
  2. Ayurweda struggle
  3. No SAITEM
next
prev

 

dahadiyasittama

 


 

 

 

පින්තූර පුවත්

galary

  • 1
  • 2
  • 3
Prev Next

සුවාරස් ගයෝල්

සුවාරස් ගයෝල්

කියුබානු ගම්බද ගොවි පව්ලක උපත ලද ඔහු කියුබානු විප්ලවයේ චේ ගේ අටවන සේනාංකයේ සිටි වීරෝධාර සටන්කාමියෙකි. පසුව ඔහු චේ සමග...

චිත‍්‍රපටය යනු ජීවිතයම නොවේ

චිත‍්‍රපටය යනු ජීවිතයම නොවේ

පියාඹන මාළුන් චිත‍්‍රපටය ශී‍්‍ර ලංකා ප‍්‍රංශ තානාපති කාර්යාලය විසින් පවත්වන්නට යෙදුණු ප‍්‍රංශ වසන්ත සැණකෙළි චිත‍්‍රපට උළෙලේදී තිරගත වීම අරබයා පැනනැගුණු...

තෙල් පිරිපහදුව වැනසීමේ සැබෑ කථ…

තෙල් පිරිපහදුව වැනසීමේ සැබෑ කථාව

1796 බි‍්‍රතාන්‍යයන් ලංකාව යටත් කර ගැනීමෙන් පසු ලාංකීය සමාජය තුළ ධනේෂ්වර සංවර්ධනයට අදාල බොහෝ ඉදි කිරීමි සිදු වන්නට විය. ඒ...

80 ජූලිවර්ජනය පාවාදීපු නායකයො …

80 ජූලිවර්ජනය පාවාදීපු නායකයො අද ආණ්ඩුවෙ ඉදගෙන කරන්නෙත් ඒක

80 ජූලි වැඩවර්ජනය වර්ජන ඉතිහාසයේ කළු පැල්ලමක් ලෙසට ප‍්‍රකාශවෙලා තිබෙනවා. ඔබ 80   වැඩවර්ජනයට සහභාගී වුවකු ලෙස ඒ සම්බන්ධයෙන් දරණ මතය...

ලෝක ආර්ථිකය අර්බුදයක - ILO සමු…

ලෝක ආර්ථිකය අර්බුදයක - ILO සමුළුවෙන් ප‍්‍රකාශවෙයි

ලෝකය පුරා විසිරුණු වැඩකරන ජනතාව, ආණ්ඩු හා හාම්පුතුන්ගේ නියෝජනයෙන් 5000 කට අධික පිරිස් සහභාගීත්වයෙන් ලෝක කම්කරු සංවිධානයේ 102 වන සම්මේලනය...

The duty to avoid a war in Kor…

The duty to avoid a war in Korea

A few days ago I mentioned the great challenges humanity is currently facing. Intelligent life emerged on our planet approximately...

Tax amendments

Tax amendments

Tax amendments expose govt.’s development myth The dictator in Charley Chaplin’s ‘The Great Dictator’ enjoys whirling a globe on his palm...

Government’s LLRC ‘magic box’ …

Government’s LLRC ‘magic box’ has no tricks

The report of the ‘Lessons Learnt and Reconciliation’ (LLRC) was presented by the government to Parliament on the 16th. The government has...

Go to top